כי מרעים יכרתון וקוי יהוה המה יירשו ארץ׃

וענוים יירשו ארץ והתענגו על רב שלום׃

יודע יהוה ימי תמימם ונחלתם לעולם תהיה׃

סור מרע ועשה טוב ושכן לעולם׃

לאהבה את יהוה אלהיך לשמע בקלו ולדבקה בו כי הוא חייך וארך ימיך לשבת על האדמה אשר נשבע יהוה לאבתיך לאברהם ליצחק וליעקב לתת להם׃

כי ישרים ישכנו ארץ ותמימים יותרו בה׃

ואנחנו כפי הבטחתו מחכים לשמים חדשים ולארץ חדשה אשר צדק ילין בם׃

ואשמע קול גדול מן השמים לאמר הנה משכן אלהים עם בני האדם ושכן בתוכם והמה יהיו לו לעם והוא האלהים יהיה אתם אלהיהם׃

ומחה אלהים כל דמעה מעיניהם והמות לא יהיה עוד וגם אבל וזעקה וכאב לא יהיה עוד כי הראשנות עברו׃

המנצח יירש הכל ואני אהיה לו לאלהים והוא יהיה לי לבן׃