סור מרע ועשה טוב בקש שלום ורדפהו׃

ויאמר לאדם הן יראת אדני היא חכמה וסור מרע בינה׃

בחסד ואמת יכפר עון וביראת יהוה סור מרע׃

מסלת ישרים סור מרע שמר נפשו נצר דרכו׃

רחצו הזכו הסירו רע מעלליכם מנגד עיני חדלו הרע׃

למדו היטב דרשו משפט אשרו חמוץ שפטו יתום ריבו אלמנה׃

אך איתן הוא יסוד האלהים וזה חותמו ידע יהוה את אשר לו ועוד יסור מעול כל הקורא את שם המשיח׃

כי הופיע חסד אלהים להושיע את כל בני האדם׃

ונחכה לתקוה המאשרת ולהופעת כבוד אלהינו הגדול ומושיענו ישוע המשיח׃

וראו פן ישלם איש לאיש רעה תחת רעה כי אם רדפו בכל עת את הטוב הן לאיש איש מכם הן לכל אדם׃

נאמן הוא הדבר ורצה אני כי תקים את אלה למען אשר ישתדלו המאמינים לאלהים לעשק במעשים טובים עשות כאלה טוב הוא ומועיל לאדם׃

וילמדו גם אנשי עדתנו לעשק במעשים טובים לעזר בכל מחסור פן יהיו בלי פרי׃

ואל תשכחו לגמל חסד ולתת לאביונים כי זבחים כאלה יערבו לאלהים׃

הוא ישלימכם בכל מעשה טוב לעשות רצונו בפעלו בכם את הרצוי לפניו ביד ישוע המשיח אשר לו הכבוד לעולמי עולמים אמן׃

כי כל אשר בחלד תאות הבשר ותאות העינים וגאות ההון איננו מן אבינו כי אם מן החלד׃

והחלד עבור יעבר עם תאותיו והעשה רצון אלהים יעמד לעד׃