כי גם לא ידע האדם את עתו כדגים שנאחזים במצודה רעה וכצפרים האחזות בפח כהם יוקשים בני האדם לעת רעה כשתפול עליהם פתאם׃

לכן המשכיל בעת ההיא ידם כי עת רעה היא׃

לכן כה אמר יהוה הנני חשב על המשפחה הזאת רעה אשר לא תמישו משם צוארתיכם ולא תלכו רומה כי עת רעה היא׃

מוקירים העת כי הימים רעים המה׃

להציל ממות נפשם ולחיותם ברעב׃

ברעב פדך ממות ובמלחמה מידי חרב׃

לשד ולכפן תשחק ומחית הארץ אל תירא׃

לא ירעיב יהוה נפש צדיק והות רשעים יהדף׃

הוא מרומים ישכן מצדות סלעים משגבו לחמו נתן מימיו נאמנים׃