וצדקתך אלהים עד מרום אשר עשית גדלות אלהים מי כמוך׃

ענן וערפל סביביו צדק ומשפט מכון כסאו׃

צדיק יהוה בכל דרכיו וחסיד בכל מעשיו׃

חללה לך מעשת כדבר הזה להמית צדיק עם רשע והיה כצדיק כרשע חללה לך השפט כל הארץ לא יעשה משפט׃

הצור תמים פעלו כי כל דרכיו משפט אל אמונה ואין עול צדיק וישר הוא׃

לא בסתר דברתי במקום ארץ חשך לא אמרתי לזרע יעקב תהו בקשוני אני יהוה דבר צדק מגיד מישרים׃

הגידו והגישו אף יועצו יחדו מי השמיע זאת מקדם מאז הגידה הלוא אני יהוה ואין עוד אלהים מבלעדי אל צדיק ומושיע אין זולתי׃

בי נשבעתי יצא מפי צדקה דבר ולא ישוב כי לי תכרע כל ברך תשבע כל לשון׃

אשר שמו האלהים לפנינו לכפרת על ידי האמונה בדמו להראות את צדקתו אחרי אשר העביר את החטאים שנעשו לפנים בעת חמלת אלהים׃

העתירו אל יהוה ורב מהית קלת אלהים וברד ואשלחה אתכם ולא תספון לעמד׃

ותהי חרדה במחנה בשדה ובכל העם המצב והמשחית חרדו גם המה ותרגז הארץ ותהי לחרדת אלהים׃

בים דרכך ושביליך במים רבים ועקבותיך לא נדעו׃

מה גדלו מעשיך יהוה מאד עמקו מחשבתיך׃

החקר אלוה תמצא אם עד תכלית שדי תמצא׃

ארכה מארץ מדה ורחבה מני ים׃

שדי לא מצאנהו שגיא כח ומשפט ורב צדקה לא יענה׃

הלוא ידעת אם לא שמעת אלהי עולם יהוה בורא קצות הארץ לא ייעף ולא ייגע אין חקר לתבונתו׃

צדיק אתה יהוה כי אריב אליך אך משפטים אדבר אותך מדוע דרך רשעים צלחה שלו כל בגדי בגד׃

בעת ההיא ענה ישוע ואמר אודך אבי אדון השמים והארץ כי הסתרת את אלה מן החכמים והנבונים וגליתם לעוללים׃

הן אבי כי כן היה רצון לפניך׃

מה עמק עשר חכמת אלהים ועשר דעתו משפטיו מי יחקר ודרכיו מי ימצא׃

מצמיח חציר לבהמה ועשב לעבדת האדם להוציא לחם מן הארץ׃

ישבעו עצי יהוה ארזי לבנון אשר נטע׃

הרים הגבהים ליעלים סלעים מחסה לשפנים׃

תשת חשך ויהי לילה בו תרמש כל חיתו יער׃

תזרח השמש יאספון ואל מעונתם ירבצון׃

מה רבו מעשיך יהוה כלם בחכמה עשית מלאה הארץ קנינך׃

שם אניות יהלכון לויתן זה יצרת לשחק בו׃

תתן להם ילקטון תפתח ידך ישבעון טוב׃

תשלח רוחך יבראון ותחדש פני אדמה׃

המביט לארץ ותרעד יגע בהרים ויעשנו׃

יערב עליו שיחי אנכי אשמח ביהוה׃

טוב יהוה לכל ורחמיו על כל מעשיו׃

נותן לבהמה לחמה לבני ערב אשר יקראו׃

חטאתי מה אפעל לך נצר האדם למה שמתני למפגע לך ואהיה עלי למשא׃

ואני לא אחוס על נינוה העיר הגדולה אשר יש בה הרבה משתים עשרה רבו אדם אשר לא ידע בין ימינו לשמאלו ובהמה רבה׃

הלא תמכרנה שתי צפרים באסר ואחת מהנה לא תפול ארצה מבלעדי אביכם׃

ואתם גם שערות ראשכם נמנות כלן׃

כי לזאת אנחנו גם יגעים גם נעלבים על אשר הוחלנו לאלהים חיים שהוא המושיע לכל האדם וביותר למאמינים׃