בגאות רשע ידלק עני יתפשו במזמות זו חשבו׃

יכרת יהוה כל שפתי חלקות לשון מדברת גדלות׃

משד עניים מאנקת אביונים עתה אקום יאמר יהוה אשית בישע יפיח לו׃

זדים הליצני עד מאד מתורתך לא נטיתי׃

טפלו עלי שקר זדים אני בכל לב אצר פקודיך׃

כרו לי זדים שיחות אשר לא כתורתך׃

ערב עבדך לטוב אל יעשקני זדים׃

חננו יהוה חננו כי רב שבענו בוז׃

רבת שבעה לה נפשנו הלעג השאננים הבוז לגאיונים׃

הפץ עברות אפך וראה כל גאה והשפילהו׃

ראה כל גאה הכניעהו והדך רשעים תחתם׃

ושמתיה ביד מוגיך אשר אמרו לנפשך שחי ונעברה ותשימי כארץ גוך וכחוץ לעברים׃

כען אנה נבוכדנצר משבח ומרומם ומהדר למלך שמיא די כל מעבדוהי קשט וארחתה דין ודי מהלכין בגוה יכל להשפלה׃

שויתי יהוה לנגדי תמיד כי מימיני בל אמוט׃

שמרני כאישון בת עין בצל כנפיך תסתירני׃

חלבמו סגרו פימו דברו בגאות׃

דמינו כאריה יכסוף לטרוף וככפיר ישב במסתרים׃

ממתים ידך יהוה ממתים מחלד חלקם בחיים וצפינך תמלא בטנם ישבעו בנים והניחו יתרם לעולליהם׃

כי המלך בטח ביהוה ובחסד עליון בל ימוט׃

תמצא ידך לכל איביך ימינך תמצא שנאיך׃

אך הוא צורי וישועתי משגבי לא אמוט׃

שיר המעלות הבטחים ביהוה כהר ציון לא ימוט לעולם ישב׃

כי לא ינוח שבט הרשע על גורל הצדיקים למען לא ישלחו הצדיקים בעולתה ידיהם׃

מי יפרידנו מאהבת המשיח הצרה או מצוקה או משטמה או רעב אם עריה או סכנה או חרב׃

אבל בכל אלה גברנו מאד על ידי האהב אתנו׃

לא הרוח ולא העמק ולא כל בריה אחרת יוכלו להפרידנו מאהבת האלהים אשר היא במשיח ישוע אדנינו׃