ואני בחסדך בטחתי יגל לבי בישועתך׃

למנצח מזמור לדוד יהוה בעזך ישמח מלך ובישועתך מה יגיל מאד׃

כי בו ישמח לבנו כי בשם קדשו בטחנו׃

ישמח הר ציון תגלנה בנות יהודה למען משפטיך׃

ישמח צדיק כי חזה נקם פעמיו ירחץ בדם הרשע׃

ויאמר אדם אך פרי לצדיק אך יש אלהים שפטים בארץ׃

למנצח לדוד מזמור שיר יקום אלהים יפוצו אויביו וינוסו משנאיו מפניו׃

וצדיקים ישמחו יעלצו לפני אלהים וישישו בשמחה׃

ותתפלל חנה ותאמר עלץ לבי ביהוה רמה קרני ביהוה רחב פי על אויבי כי שמחתי בישועתך׃

שוש אשיש ביהוה תגל נפשי באלהי כי הלבישני בגדי ישע מעיל צדקה יעטני כחתן יכהן פאר וככלה תעדה כליה׃

ואני ביהוה אעלוזה אגילה באלהי ישעי׃

ותאמר מרים רוממה נפשי את יהוה׃

ותגל רוחי באלהי ישעי׃

ופרי הרוח אהבה שמחה ושלום ארך רוח ונדיבות וחסד ואמונה׃

ובכן אחי שמחו באדנינו הן לכתב ולשנות כזאת אליכם עלי איננו לטרח ולכם הוא לחזוק׃

כי אנחנו בני המילה העבדים את האלהים ברוח ומתפארים במשיח ישוע ואיננו בטחים בבשר׃