ובצלעי שמחו ונאספו נאספו עלי נכים ולא ידעתי קרעו ולא דמו׃

פן יאמר איבי יכלתיו צרי יגילו כי אמוט׃

אלהי בך בטחתי אל אבושה אל יעלצו איבי לי׃

כי אמרתי פן ישמחו לי במוט רגלי עלי הגדילו׃

אמן אמן אני אמר לכם כי אתם תבכו ותילילו והעולם ישמח הן אתם תעצבו אכן עצבכם יהפך לששון׃

וגם אתם כעת תתעצבו אך אשוב אראה אתכם ושש לבכם ואין לקח שמחתכם מכם׃

ואחרי השלימם עדותם החיה העלה מן התהום תעשה עמהם מלחמה ותוכל להם והרגתם׃

ורבים מן העמים והמשפחות והלשנות והגוים יראו את נבלתם ימים שלשה וחצי ולא יתנו את גויתם לשום בקברים׃

ואיבי חיים עצמו ורבו שנאי שקר׃

מה יקחך לבך ומה ירזמון עיניך׃

קרץ בעינו מלל ברגלו מרה באצבעתיו׃

קרץ עין יתן עצבת ואויל שפתים ילבט׃

רבו משערות ראשי שנאי חנם עצמו מצמיתי איבי שקר אשר לא גזלתי אז אשיב׃

ודברי שנאה סבבוני וילחמוני חנם׃

שרים רדפוני חנם ומדבריך פחד לבי׃

ואבי ראה גם ראה את כנף מעילך בידי כי בכרתי את כנף מעילך ולא הרגתיך דע וראה כי אין בידי רעה ופשע ולא חטאתי לך ואתה צדה את נפשי לקחתה׃

ישפט יהוה ביני ובינך ונקמני יהוה ממך וידי לא תהיה בך׃

צוד צדוני כצפור איבי חנם׃

אך למלאת דבר הכתוב בתורתם שנאת חנם שנאוני׃