באלהים הללנו כל היום ושמך לעולם נודה סלה׃

התהללו בשם קדשו ישמח לב מבקשי יהוה׃

ביהוה יצדקו ויתהללו כל זרע ישראל׃

כי אם בזאת יתהלל המתהלל השכל וידע אותי כי אני יהוה עשה חסד משפט וצדקה בארץ כי באלה חפצתי נאם יהוה׃

ויהי ככתוב המתהלל יתהלל ביהוה׃

והמתהלל יתהלל ביהוה׃

אספרה שמך לאחי בתוך קהל אהללך׃

כי לא בזה ולא שקץ ענות עני ולא הסתיר פניו ממנו ובשועו אליו שמע׃

חטאתי אודיעך ועוני לא כסיתי אמרתי אודה עלי פשעי ליהוה ואתה נשאת עון חטאתי סלה׃

על זאת יתפלל כל חסיד אליך לעת מצא רק לשטף מים רבים אליו לא יגיעו׃

יראיך יראוני וישמחו כי לדברך יחלתי׃

הוציאה ממסגר נפשי להודות את שמך בי יכתרו צדיקים כי תגמל עלי׃

נאמן הדבר וראוי להתקבל על כל כי המשיח ישוע בא לעולם להושיע את החטאים אשר אנכי הגדול בהם׃

ובעבור זאת רחמתי למען אשר יראה ישוע המשיח בי בראשונה את כל ארך רוחו להיותי למופת לכל אשר יבאו להאמין בו לחיי עולם׃