עששה מכעס עיני עתקה בכל צוררי׃

עיני דאבה מני עני קראתיך יהוה בכל יום שטחתי אליך כפי׃

ותכה מכעש עיני ויצרי כצל כלם׃

עודינה תכלינה עינינו אל עזרתנו הבל בצפיתנו צפינו אל גוי לא יושע׃

על זה היה דוה לבנו על אלה חשכו עינינו׃

למנצח בנגינות על השמינית מזמור לדוד יהוה אל באפך תוכיחני ואל בחמתך תיסרני׃

חנני יהוה כי אמלל אני רפאני יהוה כי נבהלו עצמי׃

כמים נשפכתי והתפרדו כל עצמותי היה לבי כדונג נמס בתוך מעי׃

יבש כחרש כחי ולשוני מדבק מלקוחי ולעפר מות תשפתני׃

מזמור לדוד להזכיר יהוה אל בקצפך תוכיחני ובחמתך תיסרני׃

אין מתם בבשרי מפני זעמך אין שלום בעצמי מפני חטאתי׃

הבאישו נמקו חבורתי מפני אולתי׃

כי כסלי מלאו נקלה ואין מתם בבשרי׃

אדני נגדך כל תאותי ואנחתי ממך לא נסתרה׃

כי שחה לעפר נפשנו דבקה לארץ בטננו׃

ואהי נגוע כל היום ותוכחתי לבקרים׃

כלה שארי ולבבי צור לבבי וחלקי אלהים לעולם׃

כי שבעה ברעות נפשי וחיי לשאול הגיעו׃

במתים חפשי כמו חללים שכבי קבר אשר לא זכרתם עוד והמה מידך נגזרו׃

כי כלו בעשן ימי ועצמותי כמו קד נחרו׃

מקול אנחתי דבקה עצמי לבשרי׃

ישבי חשך וצלמות אסירי עני וברזל׃

והוכח במכאוב על משכבו וריב עצמיו אתן׃

יכל בשרו מראי ושפי עצמותיו לא ראו׃