כי רגע באפו חיים ברצונו בערב ילין בכי ולבקר רנה׃

כי אתה תברך צדיק יהוה כצנה רצון תעטרנו׃

ותתן לי מגן ישעך וימינך תסעדני וענותך תרבני׃

תרחיב צעדי תחתי ולא מעדו קרסלי׃

כי לא בחרבם ירשו ארץ וזרועם לא הושיעה למו כי ימינך וזרועך ואור פניך כי רציתם׃

כי תפארת עזמו אתה וברצנך תרים קרננו׃

חיים וחסד עשית עמדי ופקדתך שמרה רוחי׃

ויעלני מבור שאון מטיט היון ויקם על סלע רגלי כונן אשרי׃

ועתה יהוה אתה הוא האלהים ותדבר על עבדך הטובה הזאת׃

ועתה הואלת לברך את בית עבדך להיות לעולם לפניך כי אתה יהוה ברכת ומברך לעולם׃

למה יהוה תעמד ברחוק תעלים לעתות בצרה׃

למנצח מזמור לדוד עד אנה יהוה תשכחני נצח עד אנה תסתיר את פניך ממני׃

עד אנה אשית עצות בנפשי יגון בלבבי יומם עד אנה ירום איבי עלי׃

מפני זעמך וקצפך כי נשאתני ותשליכני׃

תסתיר פניך יבהלון תסף רוחם יגועון ואל עפרם ישובון׃

מהר ענני יהוה כלתה רוחי אל תסתר פניך ממני ונמשלתי עם ירדי בור׃

כי טוב קויתי ויבא רע ואיחלה לאור ויבא אפל׃

קדר הלכתי בלא חמה קמתי בקהל אשוע׃

עורי שחר מעלי ועצמי חרה מני חרב׃

הנה לשלום מר לי מר ואתה חשקת נפשי משחת בלי כי השלכת אחרי גוך כל חטאי׃