קולי אל יהוה אקרא ויענני מהר קדשו סלה׃

הקשיבה לקול שועי מלכי ואלהי כי אליך אתפלל׃

אלהי אקרא יומם ולא תענה ולילה ולא דומיה לי׃

למנצח על ידיתון לאסף מזמור קולי אל אלהים ואצעקה קולי אל אלהים והאזין אלי׃

משכיל לדוד בהיותו במערה תפלה קולי אל יהוה אזעק קולי אל יהוה אתחנן׃

יהוה סלעי ומצודתי ומפלטי אלי צורי אחסה בו מגני וקרן ישעי משגבי׃

אומרה לאל סלעי למה שכחתני למה קדר אלך בלחץ אויב׃

בטחו ביהוה עדי עד כי ביה יהוה צור עולמים׃

ראיתה יהוה אל תחרש אדני אל תרחק ממני׃

שיר מזמור לאסף אלהים אל דמי לך אל תחרש ואל תשקט אל׃

מה בצע בדמי ברדתי אל שחת היודך עפר היגיד אמתך׃

אל תשטפני שבלת מים ואל תבלעני מצולה ואל תאטר עלי באר פיה׃

נחשבתי עם יורדי בור הייתי כגבר אין איל׃

שתני בבור תחתיות במחשכים במצלות׃

מהר ענני יהוה כלתה רוחי אל תסתר פניך ממני ונמשלתי עם ירדי בור׃

פדה נפשי מעבר בשחת וחיתי באור תראה׃

נבלעם כשאול חיים ותמימים כיורדי בור׃

כי לא שאול תודך מות יהללך לא ישברו יורדי בור אל אמתך׃

וישליכהו בתהום ויסגר בעדו ויחתם עליו למען לא ידיח עוד את הגוים עד כלות אלף השנים ואחרי כן יתר לזמן מצער׃