למה יהוה תעמד ברחוק תעלים לעתות בצרה׃

על זאת יתפלל כל חסיד אליך לעת מצא רק לשטף מים רבים אליו לא יגיעו׃

אתה סתר לי מצר תצרני רני פלט תסובבני סלה׃

למנצח לבני קרח על עלמות שיר אלהים לנו מחסה ועז עזרה בצרות נמצא מאד׃

וקראני ביום צרה אחלצך ותכבדני׃

ביום צרתי אדני דרשתי ידי לילה נגרה ולא תפוג מאנה הנחם נפשי׃

יקראני ואענהו עמו אנכי בצרה אחלצהו ואכבדהו׃

אם אלך בקרב צרה תחיני על אף איבי תשלח ידך ותושיעני ימינך׃

יען קראתי ותמאנו נטיתי ידי ואין מקשיב׃

גם אני באידכם אשחק אלעג בבא פחדכם׃

אז יקראנני ולא אענה ישחרנני ולא ימצאנני׃

יהוה בצר פקדוך צקון לחש מוסרך למו׃

אמרים לעץ אבי אתה ולאבן את ילדתני כי פנו אלי ערף ולא פנים ובעת רעתם יאמרו קומה והושיענו׃

ואיה אלהיך אשר עשית לך יקומו אם יושיעוך בעת רעתך כי מספר עריך היו אלהיך יהודה׃

למנצח אל תשחת לדוד מכתם בברחו מפני שאול במערה חנני אלהים חנני כי בך חסיה נפשי ובצל כנפיך אחסה עד יעבר הוות׃

על עמך יערימו סוד ויתיעצו על צפוניך׃

סתרי ומגני אתה לדברך יחלתי׃

מגדל עז שם יהוה בו ירוץ צדיק ונשגב׃

וברא יהוה על כל מכון הר ציון ועל מקראה ענן יומם ועשן ונגה אש להבה לילה כי על כל כבוד חפה׃

וסכה תהיה לצל יומם מחרב ולמחסה ולמסתור מזרם וממטר׃

לך עמי בא בחדריך וסגר דלתיך בעדך חבי כמעט רגע עד יעבור זעם׃

והיה איש כמחבא רוח וסתר זרם כפלגי מים בציון כצל סלע כבד בארץ עיפה׃

ירושלים ירושלים ההרגת את הנביאים והסקלת את השלוחים אליה כמה פעמים רציתי לקבץ את בניך כתרנגלת המקבצת את אפרחיה תחת כנפיה ולא אביתם׃

כי מתם וחייכם צפונים עם המשיח באלהים׃

תסתירם בסתר פניך מרכסי איש תצפנם בסכה מריב לשנות׃

ישב בסתר עליון בצל שדי יתלונן׃

ויהי אתם בבית האלהים מתחבא שש שנים ועתליה מלכת על הארץ׃

ואני באתי בית שמעיה בן דליה בן מהיטבאל והוא עצור ויאמר נועד אל בית האלהים אל תוך ההיכל ונסגרה דלתות ההיכל כי באים להרגך ולילה באים להרגך׃

ואמרה האיש כמוני יברח ומי כמוני אשר יבוא אל ההיכל וחי לא אבוא׃

משוה רגלי כאילות ועל במתי יעמידני׃

ויעלני מבור שאון מטיט היון ויקם על סלע רגלי כונן אשרי׃

מקצה הארץ אליך אקרא בעטף לבי בצור ירום ממני תנחני׃

ואני ביהוה אעלוזה אגילה באלהי ישעי׃

יהוה אדני חילי וישם רגלי כאילות ועל במותי ידרכני למנצח בנגינותי׃

לכן כל השמע את דברי אלה ועשה אתם אדמהו לאיש חכם אשר בנה את ביתו על הסלע׃

וירד הגשם וישטפו הנהרות וישבו הרוחות ויגעו בבית ההוא ולא נפל כי יסד על הסלע׃

ויען שמעון פטרוס ויאמר אתה הוא המשיח בן אלהים חיים׃

ואף אני אמר אליך כי אתה פטרוס ועל הסלע הזה אבנה את קהלתי ושערי שאול לא יגברו עליה׃