מה תשתוחחי נפשי ותהמי עלי הוחילי לאלהים כי עוד אודנו ישועות פניו׃

יום אירא אני אליך אבטח׃

אתהלך לפני יהוה בארצות החיים׃

אני אמרתי בחפזי כל האדם כזב׃

על כן בהיות לנו השרות הזה כאשר חננו לא נחת׃

נחלצים אנחנו בכל ולא נדכאים דאגים ולא נואשים׃

ונשאים בכל עת מיתת האדון ישוע בגויתנו למען יגלו גם חיי ישוע בגויתנו׃

לכן בנו יאמץ המות ובכם החיים׃

באשר ידענו כי המעיר את האדון ישוע יעיר גם אתנו על יד ישוע ויעמידנו עמכם׃

כי בחסד נושעתם על ידי האמונה ולא מידכם היתה זאת כי מתת אלהים היא׃

גם אל יתצך לנצח יחתך ויסחך מאהל ושרשך מארץ חיים סלה׃

כי הצלת נפשי ממות הלא רגלי מדחי להתהלך לפני אלהים באור החיים׃

זעקתי אליך יהוה אמרתי אתה מחסי חלקי בארץ החיים׃

להשיב נפשו מני שחת לאור באור החיים׃

אמרתי לא אראה יה יה בארץ החיים לא אביט אדם עוד עם יושבי חדל׃

חי חי הוא יודך כמוני היום אב לבנים יודיע אל אמתך׃

ואני ככבש אלוף יובל לטבוח ולא ידעתי כי עלי חשבו מחשבות נשחיתה עץ בלחמו ונכרתנו מארץ חיים ושמו לא יזכר עוד׃

והורדתיך את יורדי בור אל עם עולם והושבתיך בארץ תחתיות כחרבות מעולם את יורדי בור למען לא תשבי ונתתי צבי בארץ חיים׃