הפכת מספדי למחול לי פתחת שקי ותאזרני שמחה׃

למען יזמרך כבוד ולא ידם יהוה אלהי לעולם אודך׃

מה יקר חסדך אלהים ובני אדם בצל כנפיך יחסיון׃

כי עמך מקור חיים באורך נראה אור׃

וחסד יהוה מעולם ועד עולם על יראיו וצדקתו לבני בנים׃

אשר הצילנו ממות כזה ועודנו מציל ולו אנחנו מקוים כי יוסיף להצילנו׃

ויצילני האדון מכל מעשה רע ויושיעני אל מלכותו שבשמים לו הכבוד לעולמי עולמים אמן׃

תודיעני ארח חיים שבע שמחות את פניך נעמות בימינך נצח׃

אני בצדק אחזה פניך אשבעה בהקיץ תמונתך׃

בעצתך תנחני ואחר כבוד תקחני׃

כלה שארי ולבבי צור לבבי וחלקי אלהים לעולם׃

הן ידענו כי בהרס בית אהלנו אשר בארץ יש לנו בנין מאת האלהים בית אשר איננו מעשה ידים והוא לעולם בשמים׃

כי משוך אני מן השנים נפשי אותה להפטר ולהיות עם המשיח כי זה המבחר׃

חיים שאל ממך נתתה לו ארך ימים עולם ועד׃