יאכלו ענוים וישבעו יהללו יהוה דרשיו יחי לבבכם לעד׃

אכלו וישתחוו כל דשני ארץ לפניו יכרעו כל יורדי עפר ונפשו לא חיה׃

מה רב טובך אשר צפנת ליראיך פעלת לחסים בך נגד בני אדם׃

תסתירם בסתר פניך מרכסי איש תצפנם בסכה מריב לשנות׃

ויין ישמח לבב אנוש להצהיל פנים משמן ולחם לבב אנוש יסעד׃

ואף הסיתך מפי צר רחב לא מוצק תחתיה ונחת שלחנך מלא דשן׃

ועשה יהוה צבאות לכל העמים בהר הזה משתה שמנים משתה שמרים שמנים ממחים שמרים מזקקים׃

ויאמר אליהם ישוע אמן אמן אני אמר לכם אם לא תאכלו את בשר בן האדם ושתיתם את דמו אין לכם חיים בקרבכם׃

כי בשרי באמת הוא מאכל ודמי באמת הוא משקה׃

אנכי הדלת איש כי יבוא בי יושע ובצאתו ובבואו ימצא מרעה׃

הגנב לא יבוא כי אם לגנוב ולהרוג ולאבד ואני באתי לבעבור הביא להם חיים ומלא ספקם׃

וגם אתם כעת תתעצבו אך אשוב אראה אתכם ושש לבכם ואין לקח שמחתכם מכם׃

אהבת צדק ותשנא רשע על כן משחך אלהים אלהיך שמן ששון מחבריך׃

ותרם כראים קרני בלתי בשמן רענן׃

השתים במזרקי יין וראשית שמנים ימשחו ולא נחלו על שבר יוסף׃

ואתה כי תצום סוך את ראשך ורחץ את פניך׃

והמכונן אותנו אתכם במשיח ואשר משחנו הוא האלהים׃

ואתם המשחה לכם מאת הקדוש וידעתם הכל׃

ואתם המשחה אשר קבלתם מאתו עמדת בכם ולא תצטרכו לאיש אשר ילמדכם כי אם כאשר תלמד אתכם המשחה בכל דבר היא האמת ואיננה כזב וכאשר למדה אתכם כן תעמדו בו׃

יהוה מנת חלקי וכוסי אתה תומיך גורלי׃

כוס ישועות אשא ובשם יהוה אקרא׃

כוס הברכה אשר אנחנו מברכים הלא היא התחברות דם המשיח והלחם אשר אנחנו בצעים הלא הוא התחברות גוף המשיח׃

ולו אשר יכל להרבות גמוליו עלינו יותר מכל משאלותינו ומחשבותינו לפי הכח הפעל בקרבנו׃