אספרה שמך לאחי בתוך קהל אהללך׃

אודך בקהל רב בעם עצום אהללך׃

בשרתי צדק בקהל רב הנה שפתי לא אכלא יהוה אתה ידעת׃

צדקתך לא כסיתי בתוך לבי אמונתך ותשועתך אמרתי לא כחדתי חסדך ואמתך לקהל רב׃

הללו יה אודה יהוה בכל לבב בסוד ישרים ועדה׃

עלי אלהים נדריך אשלם תודת לך׃

למנצח מזמור לדוד שיר לך דמיה תהלה אלהים בציון ולך ישלם נדר׃

אבוא ביתך בעולות אשלם לך נדרי׃

לכו שמעו ואספרה כל יראי אלהים אשר עשה לנפשי׃

נדרי ליהוה אשלם נגדה נא לכל עמו׃

אנה יהוה כי אני עבדך אני עבדך בן אמתך פתחת למוסרי׃

נדרי ליהוה אשלם נגדה נא לכל עמו׃

פתחו לי שערי צדק אבא בם אודה יה׃

זה השער ליהוה צדיקים יבאו בו׃

כאשר תדר נדר לאלהים אל תאחר לשלמו כי אין חפץ בכסילים את אשר תדר שלם׃

טוב אשר לא תדר משתדור ולא תשלם׃