כי החרשתי בלו עצמי בשאגתי כל היום׃

כי יומם ולילה תכבד עלי ידך נהפך לשדי בחרבני קיץ סלה׃

לב שמח ייטב גהה ורוח נכאה תיבש גרם׃

יגעתי בקראי נחר גרוני כלו עיני מיחל לאלהי׃

ויתנו בברותי ראש ולצמאי ישקוני חמץ׃

קול נגידים נחבאו ולשונם לחכם דבקה׃

דבק לשון יונק אל חכו בצמא עוללים שאלו לחם פרש אין להם׃

ויהי מאחרי כן כאשר ידע ישוע כי עתה זה כלה הכל למען ימלא הכתוב כלו אמר צמאתי׃

מה בצע בדמי ברדתי אל שחת היודך עפר היגיד אמתך׃

תסתיר פניך יבהלון תסף רוחם יגועון ואל עפרם ישובון׃

בזעת אפיך תאכל לחם עד שובך אל האדמה כי ממנה לקחת כי עפר אתה ואל עפר תשוב׃

ויען אברהם ויאמר הנה נא הואלתי לדבר אל אדני ואנכי עפר ואפר׃

ומה לא תשא פשעי ותעביר את עוני כי עתה לעפר אשכב ושחרתני ואינני׃

זכר נא כי כחמר עשיתני ואל עפר תשיבני׃

יגוע כל בשר יחד ואדם על עפר ישוב׃

לכן אחלק לו ברבים ואת עצומים יחלק שלל תחת אשר הערה למות נפשו ואת פשעים נמנה והוא חטא רבים נשא ולפשעים יפגיע׃

ורבים מישני אדמת עפר יקיצו אלה לחיי עולם ואלה לחרפות לדראון עולם׃

וישוע הוסיף לקרא בקול גדול ותצא רוחו׃

כי מסרתי לכם בראשונה את אשר גם קבלתי כי המשיח מת בעד חטאתינו כפי הכתובים׃