יהי שמו לעולם לפני שמש ינין שמו ויתברכו בו כל גוים יאשרוהו׃

וברוך שם כבודו לעולם וימלא כבודו את כל הארץ אמן ואמן׃

ואעשך לגוי גדול ואברכך ואגדלה שמך והיה ברכה׃

ויאמר אליהם המלאך אל תיראו כי הנני מבשר אתכם שמחה גדולה אשר תהיה לכל העם׃

כי היום ילד לכם בעיר דוד מושיע אשר הוא המשיח האדון׃

כי ראו עיני את ישועתך׃

אור לגלות עיני הגוים ותפארת ישראל עמך׃

לכם בראשונה העמיד האלהים את עבדו ישוע וישלחהו לברך אתכם בשובכם כל איש מרע מעלליכם׃

על כן בני האמונה יתברכו עם אברהם המאמין׃

למען אשר תבא ברכת אברהם במשיח ישוע על הגוים למען אשר נשא את הבטחת הרוח על ידי האמונה׃

ברוך הוא האלהים ואבי אדנינו ישוע המשיח אשר ברכנו בכל ברכת רוח במרומים במשיח׃

רבים אמרים מי יראנו טוב נסה עלינו אור פניך יהוה׃

נתתה שמחה בלבי מעת דגנם ותירושם רבו׃

תודיעני ארח חיים שבע שמחות את פניך נעמות בימינך נצח׃

אהבת צדק ותשנא רשע על כן משחך אלהים אלהיך שמן ששון מחבריך׃

כן בקדש חזיתיך לראות עזך וכבודך׃

כן אברכך בחיי בשמך אשא כפי׃

תודיעני ארחות חיים שבע שמחות את פניך׃