הביטה ענני יהוה אלהי האירה עיני פן אישן המות׃

כי לא תעזב נפשי לשאול לא תתן חסידך לראות שחת׃

תודיעני ארח חיים שבע שמחות את פניך נעמות בימינך נצח׃

כי אתה אלהים שמעת לנדרי נתת ירשת יראי שמך׃

ימים על ימי מלך תוסיף שנותיו כמו דר ודר׃

יבאוני רחמיך ואחיה כי תורתך שעשעי׃

תחי נפשי ותהללך ומשפטך יעזרני׃

יהי שמו לעולם לפני שמש ינין שמו ויתברכו בו כל גוים יאשרוהו׃

ושמתי לעד זרעו וכסאו כימי שמים׃

זרעו לעולם יהיה וכסאו כשמש נגדי׃

כירח יכון עולם ועד בשחק נאמן סלה׃

ארך ימים אשביעהו ואראהו בישועתי׃

ואהי מת והנני חי לעולמי עולמים אמן ובידי מפתחות שאול ומות׃