תמותת רשע רעה ושנאי צדיק יאשמו׃

פודה יהוה נפש עבדיו ולא יאשמו כל החסים בו׃

כן יאבדו כל אויביך יהוה ואהביו כצאת השמש בגברתו ותשקט הארץ ארבעים שנה׃

שיר המעלות הבטחים ביהוה כהר ציון לא ימוט לעולם ישב׃

אשרי שאל יעקב בעזרו שברו על יהוה אלהיו׃

עשה משפט לעשוקים נתן לחם לרעבים יהוה מתיר אסורים׃

יהוה שמר את גרים יתום ואלמנה יעודד ודרך רשעים יעות׃

ברוך הגבר אשר יבטח ביהוה והיה יהוה מבטחו׃

והיה כעץ שתול על מים ועל יובל ישלח שרשיו ולא ירא כי יבא חם והיה עלהו רענן ובשנת בצרת לא ידאג ולא ימיש מעשות פרי׃