ואני בחסדך בטחתי יגל לבי בישועתך׃

בכל הארץ יצא קום ובקצה תבל מליהם לשמש שם אהל בהם׃

למנצח מזמור לדוד יהוה בעזך ישמח מלך ובישועתך מה יגיל מאד׃

ונפשי תגיל ביהוה תשיש בישועתו׃

קול רנה וישועה באהלי צדיקים ימין יהוה עשה חיל׃

ואמרת ביום ההוא אודך יהוה כי אנפת בי ישב אפך ותנחמני׃

ושאבתם מים בששון ממעיני הישועה׃

ואמר ביום ההוא הנה אלהינו זה קוינו לו ויושיענו זה יהוה קוינו לו נגילה ונשמחה בישועתו׃

שוש אשיש ביהוה תגל נפשי באלהי כי הלבישני בגדי ישע מעיל צדקה יעטני כחתן יכהן פאר וככלה תעדה כליה׃

ואני ביהוה אעלוזה אגילה באלהי ישעי׃

ותגל רוחי באלהי ישעי׃

נתתה ליראיך נס להתנוסס מפני קשט סלה׃

ויבן משה מזבח ויקרא שמו יהוה נסי׃

ויהי בנסע הארן ויאמר משה קומה יהוה ויפצו איביך וינסו משנאיך מפניך׃

ובנחה יאמר שובה יהוה רבבות אלפי ישראל׃

ויאמר דוד אל הפלשתי אתה בא אלי בחרב ובחנית ובכידון ואנכי בא אליך בשם יהוה צבאות אלהי מערכות ישראל אשר חרפת׃

והיה ביום ההוא שרש ישי אשר עמד לנס עמים אליו גוים ידרשו והיתה מנחתו כבוד׃

כי כל העמים ילכו איש בשם אלהיו ואנחנו נלך בשם יהוה אלהינו לעולם ועד׃