שאו שערים ראשיכם והנשאו פתחי עולם ויבוא מלך הכבוד׃

שאו שערים ראשיכם ושאו פתחי עולם ויבא מלך הכבוד׃

אשר שמענו ונדעם ואבותינו ספרו לנו׃

ויקם עדות ביעקב ותורה שם בישראל אשר צוה את אבותינו להודיעם לבניהם׃

שיר המעלות הנה ברכו את יהוה כל עבדי יהוה העמדים בבית יהוה בלילות׃

יברכך יהוה מציון עשה שמים וארץ׃

בחורים וגם בתולות זקנים עם נערים׃

ותקח מרים הנביאה אחות אהרן את התף בידה ותצאן כל הנשים אחריה בתפים ובמחלת׃

ותען להם מרים שירו ליהוה כי גאה גאה סוס ורכבו רמה בים׃

חי חי הוא יודך כמוני היום אב לבנים יודיע אל אמתך׃

לך יום אף לך לילה אתה הכינות מאור ושמש׃

את השמש לממשלת ביום כי לעולם חסדו׃

את הירח וכוכבים לממשלות בלילה כי לעולם חסדו׃

ויתן אתם אלהים ברקיע השמים להאיר על הארץ׃

ולמשל ביום ובלילה ולהבדיל בין האור ובין החשך וירא אלהים כי טוב׃

עד כל ימי הארץ זרע וקציר וקר וחם וקיץ וחרף ויום ולילה לא ישבתו׃