תורת יהוה תמימה משיבת נפש עדות יהוה נאמנה מחכימת פתי׃

כל ארחות יהוה חסד ואמת לנצרי בריתו ועדתיו׃

הצור תמים פעלו כי כל דרכיו משפט אל אמונה ואין עול צדיק וישר הוא׃

האל תמים דרכו אמרת יהוה צרופה מגן הוא לכל החסים בו׃

כען אנה נבוכדנצר משבח ומרומם ומהדר למלך שמיא די כל מעבדוהי קשט וארחתה דין ודי מהלכין בגוה יכל להשפלה׃

ואל תשתוו לעולם הזה כי אם התחלפו בהתחדש דעתכם למען תבחנו לדעת מה הוא רצון האלהים הטוב והחמד והשלם׃

וישירו את שירת משה עבד אלהים ושירת השה לאמר גדולים מעשיך ונפלאים יהוה אלהים צבאות צדק ואמת דרכיך מלך הגוים׃

אמרות יהוה אמרות טהרות כסף צרוף בעליל לארץ מזקק שבעתים׃

פקודי יהוה ישרים משמחי לב מצות יהוה ברה מאירת עינים׃

הנחמדים מזהב ומפז רב ומתוקים מדבש ונפת צופים׃

צרופה אמרתך מאד ועבדך אהבה׃

כל אמרת אלוה צרופה מגן הוא לחסים בו׃

יהוה סלעי ומצודתי ומפלטי אלי צורי אחסה בו מגני וקרן ישעי משגבי׃

הפלה חסדיך מושיע חוסים ממתקוממים בימינך׃

כי שמש ומגן יהוה אלהים חן וכבוד יתן יהוה לא ימנע טוב להלכים בתמים׃

יהוה צבאות אשרי אדם בטח בך׃