לי נקם ושלם לעת תמוט רגלם כי קרוב יום אידם וחש עתדת למו׃

יקדמני ביום אידי ויהי יהוה משען לי׃

כרוח קדים אפיצם לפני אויב ערף ולא פנים אראם ביום אידם׃

מחמס אחיך יעקב תכסך בושה ונכרת לעולם׃

ואל תרא ביום אחיך ביום נכרו ואל תשמח לבני יהודה ביום אבדם ואל תגדל פיך ביום צרה׃

ואל תעמד על הפרק להכרית את פליטיו ואל תסגר שרידיו ביום צרה׃

וקצף גדול אני קצף על הגוים השאננים אשר אני קצפתי מעט והמה עזרו לרעה׃

למנצח לבני קרח על עלמות שיר אלהים לנו מחסה ועז עזרה בצרות נמצא מאד׃

על כן לא נירא בהמיר ארץ ובמוט הרים בלב ימים׃

יהוה צבאות עמנו משגב לנו אלהי יעקב סלה׃

ותצר לדוד מאד כי אמרו העם לסקלו כי מרה נפש כל העם איש על בנו ועל בנתיו ויתחזק דוד ביהוה אלהיו׃