ועתה מלכים השכילו הוסרו שפטי ארץ׃

נשקו בר פן יאנף ותאבדו דרך כי יבער כמעט אפו אשרי כל חוסי בו׃

יזכרו וישבו אל יהוה כל אפסי ארץ וישתחוו לפניך כל משפחות גוים׃

אכלו וישתחוו כל דשני ארץ לפניו יכרעו כל יורדי עפר ונפשו לא חיה׃

למנצח שיר מזמור הריעו לאלהים כל הארץ׃

אמרו לאלהים מה נורא מעשיך ברב עזך יכחשו לך איביך׃

יאתיו חשמנים מני מצרים כוש תריץ ידיו לאלהים׃

ממלכות הארץ שירו לאלהים זמרו אדני סלה׃

מלכי תרשיש ואיים מנחה ישיבו מלכי שבא וסבא אשכר יקריבו׃

וישתחוו לו כל מלכים כל גוים יעבדוהו׃

כל גוים אשר עשית יבואו וישתחוו לפניך אדני ויכבדו לשמך׃

וייראו גוים את שם יהוה וכל מלכי הארץ את כבודך׃

יודוך יהוה כל מלכי ארץ כי שמעו אמרי פיך׃

וישירו בדרכי יהוה כי גדול כבוד יהוה׃

בי מלכים ימלכו ורוזנים יחקקו צדק׃

בי שרים ישרו ונדיבים כל שפטי צדק׃

והיו מלכים אמניך ושרותיהם מיניקתיך אפים ארץ ישתחוו לך ועפר רגליך ילחכו וידעת כי אני יהוה אשר לא יבשו קוי׃

והלכו גוים לאורך ומלכים לנגה זרחך׃

והגוים ילכו לאורה ומלכי ארץ מביאים כבודם ותפארתם אליה׃