Esaïe 35:5
אז תפקחנה עיני עורים ואזני חרשים תפתחנה׃
Esaïe 42:16
והולכתי עורים בדרך לא ידעו בנתיבות לא ידעו אדריכם אשים מחשך לפניהם לאור ומעקשים למישור אלה הדברים עשיתם ולא עזבתים׃
Esaïe 42:18
החרשים שמעו והעורים הביטו לראות׃
Matthieu 9:30
ותפקחנה עיניהם ויגער בם ישוע ויאמר ראו פן יודע לאיש׃
Matthieu 11:5
עורים ראים ופסחים מתהלכים מצרעים מטהרים וחרשים שומעין ומתים קמים ועניים מתבשרי ישועה הם׃
Luc 18:41
מה חפצך כי אעשה לך ויאמר אדני כי אראה׃
Luc 18:42
ויאמר אליו ראה אמונתך הושיעה לך׃
Jean 9:7-33
7
ויאמר אליו לך ורחץ בברכת השלח פרושו שלוח וילך וירחץ ויבא ועיניו ראות׃
8
ויאמרו שכניו ואשר ראו אתו לפנים כי עור הוא הלא זה הוא הישב ומשאל׃
9
אלה אמרו כי הוא זה ואלה אמרו אך דומה לו והוא אמר אני הוא׃
10
ויאמרו אליו במה אפו נפקחו עיניך׃
11
ויען ויאמר איש אשר נקרא שמו ישוע עשה טיט וימרח על עיני ויאמר אלי לך ורחץ בברכת השלח ואלך וארחץ ותארנה עיני׃
12
ויאמרו אליו איו ויאמר לא ידעתי׃
13
ויביאו את האיש אשר היה עור לפנים אל הפרושים׃
14
והיום אשר עשה בו ישוע את הטיט ויפקח את עיניו שבת היה׃
15
ויוסיפו לשאל אתו גם הפרושים איך נפקחו עיניו ויאמר אליהם טיט שם על עיני וארחץ והנני ראה׃
16
ויאמרו מקצת הפרושים זה האיש לא מאלהים הוא כי לא ישמר את השבת ואחרים אמרו איכה יוכל איש חטא לעשות אתות כאלה ויהי ריב ביניהם׃
17
ויוסיפו ויאמרו אל העור מה תאמר אתה עליו אשר פקח עיניך ויאמר נביא הוא׃
18
ולא האמינו היהודים עליו כי עור היה וארו עיניו עד אשר קראו אל יולדי הנרפא׃
19
וישאלו אתם לאמר הזה הוא בנכם אשר אמרתם כי נולד עור ואיכה הוא ראה עתה׃
20
ויענו אתם יולדיו ויאמרו ידענו כי זה הוא בננו וכי נולד עור׃
21
אבל איך הוא ראה עתה או מי פקח את עיניו אנחנו לא ידענו הלא בן דעת הוא שאלו את פיהו והוא יגיד מה היה לו׃
22
כזאת דברו יולדיו מיראתם את היהודים כי היהודים כבר נועצו לנדות את כל אשר יודה כי הוא המשיח׃
23
על כן אמרו יולדיו בן דעת הוא שאלו את פיהו׃
24
ויקראו שנית לאיש אשר היה עור ויאמרו אליו תן כבוד לאלהים אנחנו ידענו כי האיש הזה חטא הוא׃
25
ויען ויאמר אם האיש חטא הוא אינני ידע אחת ידעתי כי עור הייתי ועתה הנני ראה׃
26
ויאמרו אליו עוד מה עשה לך איכה פקח עיניך׃
27
ויען אתם כבר אמרתי לכם הלא שמעתם ומה לכם לשמע שנית התאבו גם אתם להיות תלמידיו׃
28
ויחרפו אתו ויאמרו אתה תלמידו ואנחנו תלמידיו של משה׃
29
אנחנו יודעים כי אל משה דבר האלהים ואת זה לא ידענו מאין הוא׃
30
ויען האיש ויאמר אליהם זאת היא הפלא ופלא כי לא ידעתם מאין הוא והוא פקח את עיני׃
31
והנה ידענו כי את החטאים לא ישמע אל כי אם את ירא האלהים ועשה רצונו אתו ישמע׃
32
מעולם לא נשמע כי פקח איש עיני עור מרחם׃
33
לולא היה זה מאת אלהים לא היה יכל לעשות מאומה׃
Actes 26:18
לפקח את עיניהם למען ישובו מחשך לאור ומיד השטן אל האלהים וימצאו באמונתם בי את סליחת החטאים ואת הנחלה בתוך המקדשים׃
Ephésiens 1:18
ויאר עיני לבבכם למען תדעו אי זו היא תוחלת קריאתו ואי זה הוא עשר כבוד נחלתו בקדשים׃
1 Pierre 2:9
ואתם הנכם זרע נבחר ממלכת כהנים וגוי קדוש ועם סגלה למען תספרו תהלות הקורא אתכם מחשך אל אורו הנפלא׃
Psaumes 145:14
סומך יהוה לכל הנפלים וזוקף לכל הכפופים׃
Psaumes 147:6
מעודד ענוים יהוה משפיל רשעים עדי ארץ׃
Luc 13:11-13
11
והנה אשה טעונת רוח חלי כשמנה עשרה שנה ותהי כפופה ולא יכלה לקום קומה זקופה׃
12
ויהי בראות אתה ישוע ויקרא אליה ויאמר לה אשה החלצי מחליך׃
13
וישם את ידיו עליה וכרגע קמה ותתעודד ותשבח את האלהים׃
2 Corinthiens 7:6
אבל האלהים המנחם את השפלים נחם אתנו בבוא טיטוס׃
Psaumes 11:7
כי צדיק יהוה צדקות אהב ישר יחזו פנימו׃
Deutéronome 33:3
אף חבב עמים כל קדשיו בידך והם תכו לרגלך ישא מדברתיך׃
Jean 14:21-23
21
מי אשר מצותי אתו וינצרן זה הוא אשר יאהבני ואהבי אהוב הוא לאבי ואני אהבהו ואליו אתודע׃
22
ויאמר אליו יהודה לא יהודה איש קריות אדני מה הוא זה כי תחפץ להתודע אלינו ולא לעולם׃
23
ויען ישוע ויאמר אליו איש כי יאהבני ישמר את דברי ואבי יאהב אתו ונבואה אליו ונשים אצלו מעונתנו׃
Jean 16:27
כי אבי גם הוא אהב אתכם עקב אשר אהבתוני והאמנתם כי מאת אלהים יצאתי׃