אם שכחנו שם אלהינו ונפרש כפינו לאל זר׃

עיני דאבה מני עני קראתיך יהוה בכל יום שטחתי אליך כפי׃

אם אתה הכינות לבך ופרשת אליו כפך׃

למנצח משכיל לבני קרח כאיל תערג על אפיקי מים כן נפשי תערג אליך אלהים׃

צמאה נפשי לאלהים לאל חי מתי אבוא ואראה פני אלהים׃

מזמור לדוד בהיותו במדבר יהודה אלהים אלי אתה אשחרך צמאה לך נפשי כמה לך בשרי בארץ ציה ועיף בלי מים׃

נכספה וגם כלתה נפשי לחצרות יהוה לבי ובשרי ירננו אל אל חי׃

אף ארח משפטיך יהוה קוינוך לשמך ולזכרך תאות נפש׃

נפשי אויתיך בלילה אף רוחי בקרבי אשחרך כי כאשר משפטיך לארץ צדק למדו ישבי תבל׃

והיה השרב לאגם וצמאון למבועי מים בנוה תנים רבצה חציר לקנה וגמא׃

ויהי ביום החג האחרון הגדול עמד ישוע ויקרא לאמר איש כי יצמא יבא נא אלי וישתה׃