יראה ורעד יבא בי ותכסני פלצות׃

מקצה הארץ אליך אקרא בעטף לבי בצור ירום ממני תנחני׃

אזכרה אלהים ואהמיה אשיחה ותתעטף רוחי סלה׃

תפלה לעני כי יעטף ולפני יהוה ישפך שיחו יהוה שמעה תפלתי ושועתי אליך תבוא׃

אזי המים שטפונו נחלה עבר על נפשנו׃

בהתעטף עלי רוחי ואתה ידעת נתיבתי בארח זו אהלך טמנו פח לי׃

אף על יתום תפילו ותכרו על ריעכם׃

פנה אלי וחנני כי יחיד ועני אני׃

כי כלו בעשן ימי ועצמותי כמו קד נחרו׃

הוכה כעשב ויבש לבי כי שכחתי מאכל לחמי׃

כלתה לתשועתך נפשי לדברך יחלתי׃

כי הייתי כנאד בקיטור חקיך לא שכחתי׃

ויבאו עליו חבלי מות ויוסף להתפלל בחזקה ותהי זעתו כנטפי דם ירדים לארץ׃