משכיל לדוד בהיותו במערה תפלה קולי אל יהוה אזעק קולי אל יהוה אתחנן׃

בשוב אויבי אחור יכשלו ויאבדו מפניך׃

למען אספרה כל תהלתיך בשערי בת ציון אגילה בישועתך׃

ולא הסגרתני ביד אויב העמדת במרחב רגלי׃

נחשבתי עם יורדי בור הייתי כגבר אין איל׃

שתני בבור תחתיות במחשכים במצלות׃

הרחקת מידעי ממני שתני תועבות למו כלא ולא אצא׃

למען שמך יהוה תחיני בצדקתך תוציא מצרה נפשי׃

עשה משפט לעשוקים נתן לחם לרעבים יהוה מתיר אסורים׃

רוח אדני יהוה עלי יען משח יהוה אתי לבשר ענוים שלחני לחבש לנשברי לב לקרא לשבוים דרור ולאסורים פקח קוח׃

והאלהים הקימו מן המתים בהתיר את חבלי המות באשר נמנע מן המות לעצר אתו׃

קומה יהוה באפך הנשא בעברות צוררי ועורה אלי משפט צוית׃

ועדת לאמים תסובבך ועליה למרום שובה׃

הושיעני מפי אריה ומקרני רמים עניתני׃

יראי יהוה הללוהו כל זרע יעקב כבדוהו וגורו ממנו כל זרע ישראל׃

מאתך תהלתי בקהל רב נדרי אשלם נגד יראיו׃

יזכרו וישבו אל יהוה כל אפסי ארץ וישתחוו לפניך כל משפחות גוים׃

ביהוה תתהלל נפשי ישמעו ענוים וישמחו׃

וישגב אביון מעוני וישם כצאן משפחות׃

יראו ישרים וישמחו וכל עולה קפצה פיה׃

יראיך יראוני וישמחו כי לדברך יחלתי׃

אשירה ליהוה כי גמל עלי׃

שובי נפשי למנוחיכי כי יהוה גמל עליכי׃

גמל על עבדך אחיה ואשמרה דברך׃

הנה מאשרים אנחנו את הסבלים את סבלנות איוב שמעתכם ואת אחרית האדון ראיתם כי רחום וחנון יהוה׃