יכרת יהוה כל שפתי חלקות לשון מדברת גדלות׃

אשר אמרו ללשננו נגביר שפתינו אתנו מי אדון לנו׃

עינים רמות לשון שקר וידים שפכות דם נקי׃

בפשע שפתים מוקש רע ויצא מצרה צדיק׃

עקש לב לא ימצא טוב ונהפך בלשונו יפול ברעה׃

מות וחיים ביד לשון ואהביה יאכל פריה׃

הנה יחבל און והרה עמל וילד שקר׃

ישוב עמלו בראשו ועל קדקדו חמסו ירד׃

נודע יהוה משפט עשה בפעל כפיו נוקש רשע הגיון סלה׃

תמותת רשע רעה ושנאי צדיק יאשמו׃

חטאים תרדף רעה ואת צדיקים ישלם טוב׃

אוי לרשע רע כי גמול ידיו יעשה לו׃