שפטני אלהים וריבה ריבי מגוי לא חסיד מאיש מרמה ועולה תפלטני׃

למנצח אל תשחת לדוד מכתם בשלח שאול וישמרו את הבית להמיתו הצילני מאיבי אלהי ממתקוממי תשגבני׃

כי הנה ארבו לנפשי יגורו עלי עזים לא פשעי ולא חטאתי יהוה׃

אלהי פלטני מיד רשע מכף מעול וחומץ׃

שמרני יהוה מידי רשע מאיש חמסים תנצרני אשר חשבו לדחות פעמי׃

איש לשון בל יכון בארץ איש חמס רע יצודנו למדחפת׃

מפלטי מאיבי אף מן קמי תרוממני מאיש חמס תצילני׃

עד אנה יהוה שועתי ולא תשמע אזעק אליך חמס ולא תושיע׃

למה תראני און ועמל תביט ושד וחמס לנגדי ויהי ריב ומדון ישא׃