נפשי ישובב ינחני במעגלי צדק למען שמו׃

גם כי אלך בגיא צלמות לא אירא רע כי אתה עמדי שבטך ומשענתך המה ינחמני׃

יחד עלי יתלחשו כל שנאי עלי יחשבו רעה לי׃

דבר בליעל יצוק בו ואשר שכב לא יוסיף לקום׃

כי בחנתנו אלהים צרפתנו כצרף כסף׃

הרכבת אנוש לראשנו באנו באש ובמים ותוציאנו לרויה׃

הן יקטלני לא איחל אך דרכי אל פניו אוכיח׃

ואני ידעתי גאלי חי ואחרון על עפר יקום׃

ואחר עורי נקפו זאת ומבשרי אחזה אלוה׃

כי לא לעולם אריב ולא לנצח אקצוף כי רוח מלפני יעטוף ונשמות אני עשיתי׃

אשר הראיתנו צרות רבות ורעות תשוב תחיינו ומתהמות הארץ תשוב תעלני׃

תרב גדלתי ותסב תנחמני׃

הלא אתה תשוב תחינו ועמך ישמחו בך׃

זכר דבר לעבדך על אשר יחלתני׃

זאת נחמתי בעניי כי אמרתך חיתני׃

לדוד ריבה יהוה את יריבי לחם את לחמי׃

והרק חנית וסגר לקראת רדפי אמר לנפשי ישעתך אני׃

למנצח על יונת אלם רחקים לדוד מכתם באחז אתו פלשתים בגת חנני אלהים כי שאפני אנוש כל היום לחם ילחצני׃

שאפו שוררי כל היום כי רבים לחמים לי מרום׃

אז ישובו אויבי אחור ביום אקרא זה ידעתי כי אלהים לי׃

וירם אלהים חץ פתאום היו מכותם׃

ויכשילוהו עלימו לשונם יתנדדו כל ראה בם׃

ואמר חלותי היא שנות ימין עליון׃

לדוד ברוך יהוה צורי המלמד ידי לקרב אצבעותי למלחמה׃

חסדי ומצודתי משגבי ומפלטי לי מגני ובו חסיתי הרודד עמי תחתי׃

על כן חרה אף יהוה בעמו ויט ידו עליו ויכהו וירגזו ההרים ותהי נבלתם כסוחה בקרב חוצות בכל זאת לא שב אפו ועוד ידו נטויה׃

ארם מקדם ופלשתים מאחור ויאכלו את ישראל בכל פה בכל זאת לא שב אפו ועוד ידו נטויה׃

על כן על בחוריו לא ישמח אדני ואת יתמיו ואת אלמנתיו לא ירחם כי כלו חנף ומרע וכל פה דבר נבלה בכל זאת לא שב אפו ועוד ידו נטויה׃

מנשה את אפרים ואפרים את מנשה יחדו המה על יהודה בכל זאת לא שב אפו ועוד ידו נטויה׃

בלתי כרע תחת אסיר ותחת הרוגים יפלו בכל זאת לא שב אפו ועוד ידו נטויה׃

אל תשמחי איבתי לי כי נפלתי קמתי כי אשב בחשך יהוה אור לי׃

ותרא איבתי ותכסה בושה האמרה אלי איו יהוה אלהיך עיני תראינה בה עתה תהיה למרמס כטיט חוצות׃

הפלה חסדיך מושיע חוסים ממתקוממים בימינך׃

ותתן לי מגן ישעך וימינך תסעדני וענותך תרבני׃

כי לא בחרבם ירשו ארץ וזרועם לא הושיעה למו כי ימינך וזרועך ואור פניך כי רציתם׃

בך צרינו ננגח בשמך נבוס קמינו׃

כי הושעתנו מצרינו ומשנאינו הבישות׃

למען יחלצון ידידיך הושיעה ימינך ועננו׃

אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי׃

ועתה אחרי הנשאו בימין האלהים לקח מאת האב את הבטחת רוח הקדש וישפך את אשר אתם ראים ושמעים׃