ואני ברב חסדך אבוא ביתך אשתחוה אל היכל קדשך ביראתך׃

שמע קול תחנוני בשועי אליך בנשאי ידי אל דביר קדשך׃

רוממו יהוה אלהינו והשתחוו להדם רגליו קדוש הוא׃

רוממו יהוה אלהינו והשתחוו להר קדשו כי קדוש יהוה אלהינו׃

להיות עינך פתחות אל הבית הזה לילה ויום אל המקום אשר אמרת יהיה שמי שם לשמע אל התפלה אשר יתפלל עבדך אל המקום הזה׃

ושמעת אל תחנת עבדך ועמך ישראל אשר יתפללו אל המקום הזה ואתה תשמע אל מקום שבתך אל השמים ושמעת וסלחת׃

ודניאל כדי ידע די רשים כתבא על לביתה וכוין פתיחן לה בעליתה נגד ירושלם וזמנין תלתה ביומא הוא ברך על ברכוהי ומצלא ומודא קדם אלהה כל קבל די הוא עבד מן קדמת דנה׃

יהוה בהשמים חסדך אמונתך עד שחקים׃

צדקתך כהררי אל משפטך תהום רבה אדם ובהמה תושיע יהוה׃

חסד ואמת נפגשו צדק ושלום נשקו׃

ואתה אדני אל רחום וחנון ארך אפים ורב חסד ואמת׃

משכיל לאיתן האזרחי חסדי יהוה עולם אשירה לדר ודר אודיע אמונתך בפי׃

כי אמרתי עולם חסד יבנה שמים תכן אמונתך בהם׃

באו שעריו בתודה חצרתיו בתהלה הודו לו ברכו שמו׃

כי טוב יהוה לעולם חסדו ועד דר ודר אמונתו׃

לא לנו יהוה לא לנו כי לשמך תן כבוד על חסדך על אמתך׃

חסדי יהוה אזכיר תהלת יהוה כעל כל אשר גמלנו יהוה ורב טוב לבית ישראל אשר גמלם כרחמיו וכרב חסדיו׃

מי אל כמוך נשא עון ועבר על פשע לשארית נחלתו לא החזיק לעד אפו כי חפץ חסד הוא׃

תתן אמת ליעקב חסד לאברהם אשר נשבעת לאבתינו מימי קדם׃

ברוך יהוה אלהי ישראל כי פקד את עמו וישלח לו פדות׃

כאשר דבר בפי נביאיו הקדושים אשר מעולם׃

לעשות חסד עם אבותינו ולזכר את ברית קדשו׃

כי התורה נתנה ביד משה והחסד והאמת באו על ידי ישוע המשיח׃

ואני אמר כי ישוע המשיח היה למשרת בני המילה למען אמת האלהים לקים את ההבטחות אשר לאבות׃

והגוים המה יכבדו את האלהים למען רחמיו ככתוב על כן אודך בגוים ולשמך אזמרה׃

באלהים אהלל דברו באלהים בטחתי לא אירא מה יעשה בשר לי׃

באלהים אהלל דבר ביהוה אהלל דבר׃

יהוה חפץ למען צדקו יגדיל תורה ויאדיר׃

כי אמן אמר אני לכם עד כי יעברו השמים והארץ לא תעבר יוד אחת או קוץ אחד מן התורה עד אשר יעשה הכל׃

השמים והארץ יעברו ודברי לא יעברון׃

הן קרא שם אלהים לאלה אשר היה דבר האלהים אליהם והכתוב לא יופר׃