למנצח עלמות לבן מזמור לדוד אודה יהוה בכל לבי אספרה כל נפלאותיך׃

אודך אדני אלהי בכל לבבי ואכבדה שמך לעולם׃

כי חסדך גדול עלי והצלת נפשי משאול תחתיה׃

לדוד ברכי נפשי את יהוה וכל קרבי את שם קדשו׃

ברכי נפשי את יהוה ואל תשכחי כל גמוליו׃

הללו יה אודה יהוה בכל לבב בסוד ישרים ועדה׃

ועתה מה לעשות אתפללה ברוחי ואתפללה גם בשכלי אזמרה ברוחי ואזמרה גם בשכלי׃

ושיחו איש לרעהו בתהלות ותשבחות ושירות רוחניות שירו וזמרו לאדני בלבבכם׃

מזמור לאסף אלהים נצב בעדת אל בקרב אלהים ישפט׃

אני אמרתי אלהים אתם ובני עליון כלכם׃

ואדברה בעדתיך נגד מלכים ולא אבוש׃

אלהים לא תקלל ונשיא בעמך לא תאר׃

ויען אתם ישוע הלא כתוב בתורתכם אני אמרתי אלהים אתם׃

ואיך תאמרו על אשר קדשו האב ושלחו לעולם מגדף אתה יען אמרתי בן אלהים אני׃

ויאמר פולוס אחי לא ידעתי אשר הוא הכהן הגדול כי כתוב נשיא בעמך לא תאר׃

הלא הם כלם רוחות השרת שלוחים לעזרה בעד העתידים לרשת את הישועה׃