Psaumes 33:6
בדבר יהוה שמים נעשו וברוח פיו כל צבאם׃
Psaumes 104:24
מה רבו מעשיך יהוה כלם בחכמה עשית מלאה הארץ קנינך׃
Génèse 1:1
בראשית ברא אלהים את השמים ואת הארץ׃
Proverbes 3:19
יהוה בחכמה יסד ארץ כונן שמים בתבונה׃
Proverbes 3:20
בדעתו תהומות נבקעו ושחקים ירעפו טל׃
Proverbes 8:22-29
22
יהוה קנני ראשית דרכו קדם מפעליו מאז׃
23
מעולם נסכתי מראש מקדמי ארץ׃
24
באין תהמות חוללתי באין מעינות נכבדי מים׃
25
בטרם הרים הטבעו לפני גבעות חוללתי׃
26
עד לא עשה ארץ וחוצות וראש עפרות תבל׃
27
בהכינו שמים שם אני בחוקו חוג על פני תהום׃
28
באמצו שחקים ממעל בעזוז עינות תהום׃
29
בשומו לים חקו ומים לא יעברו פיו בחוקו מוסדי ארץ׃
Jérémie 51:15
עשה ארץ בכחו מכין תבל בחכמתו ובתבונתו נטה שמים׃