נחית בחסדך עם זו גאלת נהלת בעזך אל נוה קדשך׃

וזכרת כי עבד היית בארץ מצרים ויפדך יהוה אלהיך על כן אנכי מצוך את הדבר הזה היום׃

אל תסג גבול עולם ובשדי יתומים אל תבא׃

כי גאלם חזק הוא יריב את ריבם אתך׃

בכל צרתם לא צר ומלאך פניו הושיעם באהבתו ובחמלתו הוא גאלם וינטלם וינשאם כל ימי עולם׃

ברוך יהוה אלהי ישראל כי פקד את עמו וישלח לו פדות׃

כאשר דבר בפי נביאיו הקדושים אשר מעולם׃

לעשות חסד עם אבותינו ולזכר את ברית קדשו׃

להצילנו מיד איבינו ולתתנו לעבדו בלי פחד׃

אשר נתן את נפשו בעדנו לגאלנו מכל עול ולטהר לו עם סגלה הזריז במעשים טובים׃