מזמור לאסף אלהים נצב בעדת אל בקרב אלהים ישפט׃

יבשו כל עבדי פסל המתהללים באלילים השתחוו לו כל אלהים׃

כי אתה יהוה עליון על כל הארץ מאד נעלית על כל אלהים׃

עתה ידעתי כי גדול יהוה מכל האלהים כי בדבר אשר זדו עליהם׃

כי יהוה אלהיכם הוא אלהי האלהים ואדני האדנים האל הגדל הגבר והנורא אשר לא ישא פנים ולא יקח שחד׃

אל אלהים יהוה אל אלהים יהוה הוא ידע וישראל הוא ידע אם במרד ואם במעל ביהוה אל תושיענו היום הזה׃

והבית אשר אני בונה גדול כי גדול אלהינו מכל האלהים׃

ענה מלכא לדניאל ואמר מן קשט די אלהכון הוא אלה אלהין ומרא מלכין וגלה רזין די יכלת למגלא רזה דנה׃