קוה אל יהוה חזק ויאמץ לבך וקוה אל יהוה׃

נפשנו חכתה ליהוה עזרנו ומגננו הוא׃

למנצח לדוד מזמור קוה קויתי יהוה ויט אלי וישמע שועתי׃

למנצח על ידותון מזמור לדוד אך אל אלהים דומיה נפשי ממנו ישועתי׃

אך לאלהים דומי נפשי כי ממנו תקותי׃

לישועתך קויתי יהוה׃

וחכיתי ליהוה המסתיר פניו מבית יעקב וקויתי לו׃

אף ארח משפטיך יהוה קוינוך לשמך ולזכרך תאות נפש׃

ולכן יחכה יהוה לחננכם ולכן ירום לרחמכם כי אלהי משפט יהוה אשרי כל חוכי לו׃

והנה איש היה בירושלים ושמו שמעון והוא איש צדיק וחסיד מחכה לנחמת ישראל ורוח הקדש היה עליו׃

ותקם בשעה ההיא ותגש להדות ליהוה ותדבר עליו באזני כל המחכים לגאלה בירושלים׃

ואענה חרפי דבר כי בטחתי בדברך׃

זכר דבר לעבדך על אשר יחלתני׃

כלתה לתשועתך נפשי לדברך יחלתי׃

סתרי ומגני אתה לדברך יחלתי׃

למען על פי שני דברים בלתי משתנים אשר חלילה לאלהים לשקר בם יהיה לנו אשר נסנו עליו זרוז גדול לאחז בתקוה הנתונה לפנינו׃