נפשי בתוך לבאם אשכבה להטים בני אדם שניהם חנית וחצים ולשונם חרב חדה׃

הנה יביעון בפיהם חרבות בשפתותיהם כי מי שמע׃

בפה חנף ישחת רעהו ובדעת צדיקים יחלצו׃

בז לרעהו חסר לב ואיש תבונות יחריש׃

רשע עשה פעלת שקר וזרע צדקה שכר אמת׃

איש בליעל כרה רעה ועל שפתיו כאש צרבת׃

דברי נרגן כמתלהמים והם ירדו חדרי בטן׃

מות וחיים ביד לשון ואהביה יאכל פריה׃

ראה מה גדול היער ואש קטנה תבעירנו גם הלשון אש היא עולם מלא עולה׃

כי מין כל בהמה ועוף ורמש וחיות הים יכבש ונכבשים הם על ידי מין האדם׃

ולו הכין כלי מות חציו לדלקים יפעל׃

גם אל יתצך לנצח יחתך ויסחך מאהל ושרשך מארץ חיים סלה׃

ראש מסבי עמל שפתימו יכסומו׃

איש לשון בל יכון בארץ איש חמס רע יצודנו למדחפת׃

אספה עלימו רעות חצי אכלה בם׃

מזי רעב ולחמי רשף וקטב מרירי ושן בהמות אשלח בם עם חמת זחלי עפר׃

תועבת יהוה שפתי שקר ועשי אמונה רצונו׃

עד שקרים לא ינקה ויפיח כזבים לא ימלט׃

עד שקרים לא ינקה ויפיח כזבים יאבד׃

אבל רכי הלב ואשר אינם מאמינים והמגאלים והמרצחים והזנים והמכשפים ועבדי האלילים וכל המכזבים חלקם יהיה באגם הבער באש וגפרית אשר הוא המות השני׃