על כן כל פקודי כל ישרתי כל ארח שקר שנאתי׃

צוית צדק עדתיך ואמונה מאד׃

צדקתך צדק לעולם ותורתך אמת׃

קרוב אתה יהוה וכל מצותיך אמת׃

יראת יהוה טהורה עומדת לעד משפטי יהוה אמת צדקו יחדו׃

ובכן התורה היא קדושה והמצוה קדושה וישרה וטובה׃

יבשו זדים כי שקר עותוני אני אשיח בפקודיך׃

שגיון לדוד אשר שר ליהוה על דברי כוש בן ימיני יהוה אלהי בך חסיתי הושיעני מכל רדפי והצילני׃

יהוה אלהי אם עשיתי זאת אם יש עול בכפי׃

ירדף אויב נפשי וישג וירמס לארץ חיי וכבודי לעפר ישכן סלה׃

כי חנם טמנו לי שחת רשתם חנם חפרו לנפשי׃

אל ישמחו לי איבי שקר שנאי חנם יקרצו עין׃

ואיבי חיים עצמו ורבו שנאי שקר׃

כי הנה ארבו לנפשי יגורו עלי עזים לא פשעי ולא חטאתי יהוה׃

בלי עון ירוצון ויכוננו עורה לקראתי וראה׃

הישלם תחת טובה רעה כי כרו שוחה לנפשי זכר עמדי לפניך לדבר עליהם טובה להשיב את חמתך מהם׃

ואני עני ואביון אלהים חושה לי עזרי ומפלטי אתה יהוה אל תאחר׃

הביט ימין וראה ואין לי מכיר אבד מנוס ממני אין דורש לנפשי׃

הקשיבה אל רנתי כי דלותי מאד הצילני מרדפי כי אמצו ממני׃

הצילני מאיבי יהוה אליך כסתי׃