גרסה נפשי לתאבה אל משפטיך בכל עת׃

הנה תאבתי לפקדיך בצדקתך חיני׃

למנצח משכיל לבני קרח כאיל תערג על אפיקי מים כן נפשי תערג אליך אלהים׃

צמאה נפשי לאלהים לאל חי מתי אבוא ואראה פני אלהים׃

כלה שארי ולבבי צור לבבי וחלקי אלהים לעולם׃

נכספה וגם כלתה נפשי לחצרות יהוה לבי ובשרי ירננו אל אל חי׃

השבעתי אתכם בנות ירושלם אם תמצאו את דודי מה תגידו לו שחולת אהבה אני׃

ידעתי את מעשיך כי לא קר ולא חם אתה מי יתן והיית קר או חם׃

כי עתה פושר אתה ולא קר ולא חם על כן אקיאך מפי׃

ואענה חרפי דבר כי בטחתי בדברך׃

יראיך יראוני וישמחו כי לדברך יחלתי׃

יבאוני רחמיך ואחיה כי תורתך שעשעי׃

סתרי ומגני אתה לדברך יחלתי׃