דעו כי יהוה הוא אלהים הוא עשנו ולא אנחנו עמו וצאן מרעיתו׃

ראשית חכמה יראת יהוה שכל טוב לכל עשיהם תהלתו עמדת לעד׃

יהוה יגמר בעדי יהוה חסדך לעולם מעשי ידיך אל תרף׃

אודך על כי נוראות נפליתי נפלאים מעשיך ונפשי ידעת מאד׃

גלמי ראו עיניך ועל ספרך כלם יכתבו ימים יצרו ולא אחד בהם׃

ידיך עצבוני ויעשוני יחד סביב ותבלעני׃

הלא כחלב תתיכני וכגבנה תקפיאני׃

הבינני ואצרה תורתך ואשמרנה בכל לב׃

עבדך אני הבינני ואדעה עדתיך׃

צדק עדותיך לעולם הבינני ואחיה׃

תקרב רנתי לפניך יהוה כדברך הבינני׃

אך יתן לך יהוה שכל ובינה ויצוך על ישראל ולשמור את תורת יהוה אלהיך׃

ויאמר חורם ברוך יהוה אלהי ישראל אשר עשה את השמים ואת הארץ אשר נתן לדויד המלך בן חכם יודע שכל ובינה אשר יבנה בית ליהוה ובית למלכותו׃

אכן רוח היא באנוש ונשמת שדי תבינם׃

בין באשר אני אמר כי האדון יתן לך חכמה בכל דבר׃

וידענו כי בא בן אלהים ויתן לנו בינה לדעת את האמתי ובאמתי אנחנו בבנו ישוע המשיח זה הוא האל האמתי וחיי העולם׃

ראשית חכמה יראת יהוה שכל טוב לכל עשיהם תהלתו עמדת לעד׃

ופרי הצדקה בשלום יזרע לעשי השלום׃