בדרך עדותיך ששתי כעל כל הון׃

נחלתי עדותיך לעולם כי ששון לבי המה׃

על כן אהבתי מצותיך מזהב ומפז׃

שש אנכי על אמרתך כמוצא שלל רב׃

הנחמדים מזהב ומפז רב ומתוקים מדבש ונפת צופים׃

כי טוב סחרה מסחר כסף ומחרוץ תבואתה׃

יקרה היא מפניים וכל חפציך לא ישוו בה׃

קחו מוסרי ואל כסף ודעת מחרוץ נבחר׃

כי טובה חכמה מפנינים וכל חפצים לא ישוו בה׃

טוב פריי מחרוץ ומפז ותבואתי מכסף נבחר׃

קנה חכמה מה טוב מחרוץ וקנות בינה נבחר מכסף׃

עוד דומה מלכות השמים לאוצר טמון בשדה אשר מצאו איש ויטמנהו ובשמחתו ילך ומכר את כל אשר לו וקנה את השדה ההוא׃

וכאשר מצא מרגלית אחת יקרה מאד הלך לו וימכר את כל אשר לו ויקן אתה׃