אהב צדקה ומשפט חסד יהוה מלאה הארץ׃

משקה הרים מעליותיו מפרי מעשיך תשבע הארץ׃

טוב יהוה לכל ורחמיו על כל מעשיו׃

ברוך אתה יהוה למדני חקיך׃

דרכי ספרתי ותענני למדני חקיך׃

הורני יהוה דרכך ונחני בארח מישור למען שוררי׃

והלכו עמים רבים ואמרו לכו ונעלה אל הר יהוה אל בית אלהי יעקב וירנו מדרכיו ונלכה בארחתיו כי מציון תצא תורה ודבר יהוה מירושלם׃

כה אמר יהוה גאלך קדוש ישראל אני יהוה אלהיך מלמדך להועיל מדריכך בדרך תלך׃

לוא הקשבת למצותי ויהי כנהר שלומך וצדקתך כגלי הים׃

קבלו עליכם את עלי ולמדו ממני כי ענו ושפל רוח אנכי ותמצאו מרגוע לנפשתיכם׃