דרך שקר הסר ממני ותורתך חנני׃

נחלתי עדותיך לעולם כי ששון לבי המה׃

תהי ידך לעזרני כי פקודיך בחרתי׃

ואם רע בעיניכם לעבד את יהוה בחרו לכם היום את מי תעבדון אם את אלהים אשר עבדו אבותיכם אשר בעבר הנהר ואם את אלהי האמרי אשר אתם ישבים בארצם ואנכי וביתי נעבד את יהוה׃

תחת כי שנאו דעת ויראת יהוה לא בחרו׃

אבל אחת היא מן הצרך ומרים בחרה לה החלק הטוב אשר לא יקח ממנה׃

וזה הוא הדין כי האור בא אל העולם ובני האדם אהבו החשך מן האור כי רעים מעשיהם׃

אבל עשה האמת יבא לאור למען יגלו מעשיו כי נעשו באלהים׃

ואני יען דברי האמת לא תאמינו לי׃

וכעללים אשר מקרוב נולדו התאוו לחלב השכלי והזך למען תגדלו בו׃

שמחתי למאד כי מצאתי מבניך מתהלכים באמת כמצוה אשר קבלנו מאת האב׃

גם עדתיך שעשעי אנשי עצתי׃

זכרתי משפטיך מעולם יהוה ואתנחם׃

ושמתם את דברי אלה על לבבכם ועל נפשכם וקשרתם אתם לאות על ידכם והיו לטוטפת בין עיניכם׃

וכתבתם על מזוזות ביתך ובשעריך׃