כמים נשפכתי והתפרדו כל עצמותי היה לבי כדונג נמס בתוך מעי׃

יעלו שמים ירדו תהומות נפשם ברעה תתמוגג׃

ונשמע וימס לבבנו ולא קמה עוד רוח באיש מפניכם כי יהוה אלהיכם הוא אלהים בשמים ממעל ועל הארץ מתחת׃

ויאמרו אל יהושע כי נתן יהוה בידנו את כל הארץ וגם נמגו כל ישבי הארץ מפנינו׃

קוה אל יהוה חזק ויאמץ לבך וקוה אל יהוה׃

יהוה עז לעמו יתן יהוה יברך את עמו בשלום׃

ברזל ונחשת מנעליך וכימיך דבאך׃

נתן ליעף כח ולאין אונים עצמה ירבה׃

וקוי יהוה יחליפו כח יעלו אבר כנשרים ירוצו ולא ייגעו ילכו ולא ייעפו׃

וגברתים ביהוה ובשמו יתהלכו נאם יהוה׃

לתת לכם לפי עשר כבודו להתחזק בגבורה על ידי רוחו לאדם הפנימי׃

כל זאת אוכל בעזרת המשיח הנותן כח בקרבי׃