יבש כחרש כחי ולשוני מדבק מלקוחי ולעפר מות תשפתני׃

כי שחה לעפר נפשנו דבקה לארץ בטננו׃

זאב וטלה ירעו כאחד ואריה כבקר יאכל תבן ונחש עפר לחמו לא ירעו ולא ישחיתו בכל הר קדשי אמר יהוה׃

ויפן ויאמר לפטרוס סור מעלי השטן למכשול אתה לי כי אין לבך לדברי אלהים כי אם לדברי בני אדם׃

כי לפי האדם הפנימי חפצתי בתורת אלהים׃

אוי לי האדם העני מי יצילני מגוף המות הזה׃

כי רבים המתהלכים אשר עליהם אמרתי לכם פעמים הרבה ועתה גם בבכי אני אמר כי הם איבי צלב המשיח׃

את אשר למעלה יהגה לבבכם לא את אשר בארץ׃

העבר עיני מראות שוא בדרכך חיני׃

הנה תאבתי לפקדיך בצדקתך חיני׃

כחסדך חיני ואשמרה עדות פיך׃

לעולם לא אשכח פקודיך כי בם חייתני׃

נעניתי עד מאד יהוה חיני כדברך׃

קולי שמעה כחסדך יהוה כמשפטך חיני׃

רחמיך רבים יהוה כמשפטיך חיני׃

ראה כי פקודיך אהבתי יהוה כחסדך חיני׃

אשר הראיתנו צרות רבות ורעות תשוב תחיינו ומתהמות הארץ תשוב תעלני׃

ולא נסוג ממך תחינו ובשמך נקרא׃

למען שמך יהוה תחיני בצדקתך תוציא מצרה נפשי׃

כי תורת רוח החיים במשיח ישוע שחררה אתי מתורת החטא והמות׃

כי מה שלא יכלה התורה לעשות הנחלשה על יד הבשר עשה האלהים בשלחו את בנו בתואר בשר החטא ובעד החטא וירשיע את החטא בבשר׃

ומל יהוה אלהיך את לבבך ואת לבב זרעך לאהבה את יהוה אלהיך בכל לבבך ובכל נפשך למען חייך׃

כי אתה יהוה צבאות אלהי ישראל גליתה את אזן עבדך לאמר בית אבנה לך על כן מצא עבדך את לבו להתפלל אליך את התפלה הזאת׃

ועתה הואל וברך את בית עבדך להיות לעולם לפניך כי אתה אדני יהוה דברת ומברכתך יברך בית עבדך לעולם׃