בשפתי ספרתי כל משפטי פיך׃

ואדברה בעדתיך נגד מלכים ולא אבוש׃

פי צדיק יהגה חכמה ולשונו תדבר משפט׃

בשרתי צדק בקהל רב הנה שפתי לא אכלא יהוה אתה ידעת׃

צדקתך לא כסיתי בתוך לבי אמונתך ותשועתך אמרתי לא כחדתי חסדך ואמתך לקהל רב׃

לא נכחד מבניהם לדור אחרון מספרים תהלות יהוה ועזוזו ונפלאותיו אשר עשה׃

ושננתם לבניך ודברת בם בשבתך בביתך ובלכתך בדרך ובשכבך ובקומך׃

ילדי הצפעונים איכה תוכלו למלל טוב ואתם רעים כי משפעת הלב ימלל הפה׃

האיש הטוב מאוצר לבו הטוב מוציא את הטוב והאיש הרע מאוצר הרע מוציא רע׃

כל דבר נבול לא יצא מפיכם כי אם הטוב והמועיל לבנות לפי הצרך למען יתן חן לשמעיו׃

דבריכם יהיו נעימים בכל עת וממלחים במלח למען תדעו להשיב דבר לכל אדם׃

כל מצותיך אמונה שקר רדפוני עזרני׃

צוית צדק עדתיך ואמונה מאד׃

צדקתך צדק לעולם ותורתך אמת׃

ובכן התורה היא קדושה והמצוה קדושה וישרה וטובה׃

כי ידעים אנחנו שהתורה היא רוחנית ואני של בשר ונמכר תחת יד החטא׃