כלתה לתשועתך נפשי לדברך יחלתי׃

תאבתי לישועתך יהוה ותורתך שעשעי׃

קויתי יהוה קותה נפשי ולדברו הוחלתי׃

יחל ישראל אל יהוה כי עם יהוה החסד והרבה עמו פדות׃

לישועתך קויתי יהוה׃

זבחו זבחי צדק ובטחו אל יהוה׃

מי יעלה בהר יהוה ומי יקום במקום קדשו׃

ישא ברכה מאת יהוה וצדקה מאלהי ישעו׃

זבח תודה יכבדנני ושם דרך אראנו בישע אלהים׃

האיש החפץ לעשות רצונו ידע לקחי אם מאת אלהים הוא ואם מנפשי אדבר׃

ובזאת נדע כי הכרנו אותו אם נשמר את מצותיו׃

האמר הכרתיו ואת מצותיו לא ישמר כזב הוא והאמת אין בו׃