גם ישבו שרים בי נדברו עבדך ישיח בחקיך׃

רבים רדפי וצרי מעדותיך לא נטיתי׃

חסר משגעים אני כי הבאתם את זה להשתגע עלי הזה יבוא אל ביתי׃

ויאמר דוד לשאול למה תשמע את דברי אדם לאמר הנה דוד מבקש רעתך׃

ואבי ראה גם ראה את כנף מעילך בידי כי בכרתי את כנף מעילך ולא הרגתיך דע וראה כי אין בידי רעה ופשע ולא חטאתי לך ואתה צדה את נפשי לקחתה׃

כאשר יאמר משל הקדמני מרשעים יצא רשע וידי לא תהיה בך׃

והיה יהוה לדין ושפט ביני ובינך וירא וירב את ריבי וישפטני מידך׃

ויאמר למה זה אדני רדף אחרי עבדו כי מה עשיתי ומה בידי רעה׃

אך למלאת דבר הכתוב בתורתם שנאת חנם שנאוני׃

רגזו ואל תחטאו אמרו בלבבכם על משכבכם ודמו סלה׃

איננו גדול בבית הזה ממני ולא חשך ממני מאומה כי אם אותך באשר את אשתו ואיך אעשה הרעה הגדלה הזאת וחטאתי לאלהים׃

ויאמר אלהם יוסף ביום השלישי זאת עשו וחיו את האלהים אני ירא׃

יען רך לבבך ותכנע מפני יהוה בשמעך אשר דברתי על המקום הזה ועל ישביו להיות לשמה ולקללה ותקרע את בגדיך ותבכה לפני וגם אנכי שמעתי נאם יהוה׃

והפחות הראשנים אשר לפני הכבידו על העם ויקחו מהם בלחם ויין אחר כסף שקלים ארבעים גם נעריהם שלטו על העם ואני לא עשיתי כן מפני יראת אלהים׃

כי פחד אלי איד אל ומשאתו לא אוכל׃

ואת כל אלה ידי עשתה ויהיו כל אלה נאם יהוה ואל זה אביט אל עני ונכה רוח וחרד על דברי׃

ויהי כקרוא יהודי שלש דלתות וארבעה יקרעה בתער הספר והשלך אל האש אשר אל האח עד תם כל המגלה על האש אשר על האח׃

וגם אלנתן ודליהו וגמריהו הפגעו במלך לבלתי שרף את המגלה ולא שמע אליהם׃